दिल्ली : सर्वोच्च न्यायालयाच्या निर्देशानंतर स्टेट बँक ऑफ इंडिया (SBI) ने निवडणूक आयोगाला युनिक अल्फान्यूमेरिक नंबरसह इलेक्टोरल बाँड्सचे संपूर्ण तपशील सादर केले आहेत . ही माहिती आता केंद्रीय निवडणूक आयोगाकडून वेब साईटवर उपलब्ध करून देण्यात आली आहे .
इलेक्टोरल बाँड्सवर बँकेने निवडणूक आयोगाला दिलेल्या तपशिलांमध्ये इलेक्टोरल बाँड खरेदीदारांच्या तपशिलांमध्ये सबमिट केलेल्या कॅश पेमेंटची तारीख, राजकीय पक्षाचे नाव, बाँड नंबर, URN क्रमांक संप्रदाय, खाते क्रमांकाचे शेवटचे चार अंक आणि पेमेंट ब्रँच कोड जर्नल तारीख, खरेदीची तारीख, कालबाह्यता तारीख, खरेदीदाराचे नाव या माहितीचा समावेश आहे .
11 मार्च रोजी, SBI ने हा तपशील उघड करण्यासाठी 30 जूनपर्यंत वेळ वाढवण्याची मागणी केली होती. पण गेल्या शुक्रवारी सर्वोच्च न्यायालयाने आदेश देत नोटीस बजावल्यामुळे आज ही माहिती एस.बी.आय. ने निवडणूक आयोगाला सादर केली .
एसबीआयच्या माहितीसह केंद्रीय निवडणूक आयोगाने प्रकाशित केलेल्या याद्यांमध्ये ‘लॉटरी किंग’ सँटियागो मार्टिनची कोईम्बतूर-आधारित फ्यूचर गेमिंग अँड हॉटेल सर्व्हिसेस कंपनीने सर्वाधिक बाँड्स खरेदी कर्ता असून भारतीय जनता पक्ष (भाजप) सर्वात मोठा प्राप्तकर्ता होता, त्यानंतर तृणमूल काँग्रेसचा क्रमांक लागतो.
